圣诞想和你一起过(呢个圣诞我想过得唔同D)
圣诞去哪玩?
“蒸個包~蒸個包~蒸個大個~”话甘快又到咗一年一度男人最头痛嘅日子:圣诞节究竟要点过,女朋友先至觉得我Romantic?今日,团团菌专登搜罗咗粤港澳三地最有特色嘅圣诞好去处,咪再话我地唔教路啊~
第一站:澳门——史诗级嘅灯光盛宴
今年澳门平安夜同圣诞节嘅最大既亮點
当然係澳门光影节啦!
澳门议事亭前地
位於大堂前地嘅幸福之泉
光影节遍佈全澳各個旅遊景点,仲唔快D帶埋你嘅亲朋戚友或者係你嘅小情人一齐黎感受下?
活动时间
即日起至12月31日 每晚7—10点 澳门议事亭前地
今年澳门民署仲係氹仔龙环葡韵为大家打造左一個超級无敌有氣氛而又可愛既圣诞小鎮
小镇内仿似亲临雪景,又唔洗捱冻,澳门冬至圣诞村绝对係你嘅不二之选!
活动时间与地点:
即日起至2016年1月3日 氹仔龙环葡韵
仲有不得不提嘅欢乐佳音平安夜,每年既呢个时候,大三巴至议事亭前地都会乐队演奏,其中不乏葡国以及菲律宾嘅朋友,大家千其唔好错过啦~!
活动时间与地点:
12月24日晚上8点至凌晨12点
大三巴牌坊耶稣会广场
最后当然唔少得澳门旅游塔,係今年12月27日为大家打造嘅巨型飘雪圣诞水晶球! 水晶球內会为你呈现漫天飘雪场景和特色圣诞装饰,给你非一般嘅圣诞体验!
第二站:香港——时尚浪漫仲好Q
香港太古广场以「黑暗中的《小王子》」为今年圣诞主题美陈,就邀请你「用心看」。通过五感探索呢个结合艺术与想像,由来自法国嘅珍贵电影道具打造而成嘅奇幻世界。
展览时间:即日起至2016年1月1日
时代广场今年以1:20比例的乐高模型隆重推出乐高®星战展,重现《星球大战》里面恢宏巨作嘅经典场景!铁杆粉千企咪走宝啊!
展览时间:即日起至2016年1月1日
香港迪士尼乐园10周岁生日庆典将化身华丽大舞台。唔单只有全新音乐剧《迪士尼魔法书房》穿梭于童话经典故事中,仲有Elsa女皇喺Let it go嘅歌声中施展嘅魔法飘雪,喺慢慢飘落嘅雪花中我地一齐点亮圣诞灯。
活动时间:即日起至2016年1月3日
皇后像广场上,由50,000颗LED灯打造的闪耀银蛇绝美展出,呢款来自于BVLGARI嘅Serpenti蛇型艺术灯装置,为圣诞佳节带来浓浓嘅意式风情。
活动时间:即日起至2016年1月1日
喺海港城会有大约40位迪士尼朋友,将海运大厦露天广场幻化成「Happily Ever After」圣诞大街及「圣诞梦幻剧院」,叫埋D老友一齐喺星星灯组成嘅圣诞树拱门迎接圣诞,见证友情真喺好难得。
活动时间: 即日起至2016年1月3日
压轴大牌驾到!维港新地标——中环摩天轮会喺晚黑点着紫蓝色嘅灯光,无与伦比嘅浪漫感觉,同恋人喺摩天轮上欣赏维港流动,一个kiss,分分钟浪漫指数爆表!为何我又偏偏喜欢你~
活动时间:常年开放
第三站:广东——摩天轮的浪漫
传说,
每一对在摩天轮最高处亲吻的恋人,
都会一直一直走下去
……
﹀
﹀
﹀
广州塔摩天轮
全球最高嘅横向摩天轮,就喺广州塔顶450米高空处。摩天轮由16个“水晶”观光球舱组成,观光球舱环绕一圈大概20分钟,求婚嘅时间都够埋!
中山幻彩摩天轮
幻彩摩天轮地处兴中广场摩天城,喺中山市嘅标志性建筑,而且仲喺珠西地区最高嘅摩天轮,舱内配置左冷暖空调,你可以买份雪糕氹埋女朋友添~
海滨公园摩天轮
湛江霞山海滨公园摩天轮高达60米,喺目前广东省最高嘅传统摩天轮,如果你女朋友畏高仲好,你可以乘机揽实D佢!
华侨公园摩天轮
汕头华侨公园嘅摩天轮就好似一个亮丽嘅大风车,随住摩天轮向上旋转,仲可以欣赏到石海两岸秀丽嘅景致。
南沙摩天轮
广州南沙仲有个幸福摩天轮系南沙天后宫隔离,升到高空果阵可以睇到海景,啱晒D想发誓嘅朋友,重点系,南沙摩天轮只要15元,好鬼便~~
坐喺摩天轮度,
拿出一支玫瑰,
一个浪漫嘅KISS,
你地就甘安静嘅做一对神仙眷侣啦~
SOURCE丨编辑整理自网络
EDIT丨郑凌冲 徐仁聪
DESIGNER丨李玮玲
COLLATOR丨郭书翰
星期一丨星期二丨星期三丨星期四丨星期五
丨星期六丨星期日
【 投稿合作丨请发送稿件内容至邮箱XMTGZS@yeah 】
本期供稿:广东高校澳门学生联合会 何裕轩
,
免责声明:本文仅代表文章作者的个人观点,与本站无关。其原创性、真实性以及文中陈述文字和内容未经本站证实,对本文以及其中全部或者部分内容文字的真实性、完整性和原创性本站不作任何保证或承诺,请读者仅作参考,并自行核实相关内容。文章投诉邮箱:anhduc.ph@yahoo.com