tvb综艺节目薛家燕（家燕妈妈新综艺call人开台）

TVB又开新综艺！

今铺请嚟薛家燕做“话事人”，

同林盛斌 、戴祖仪 、吴若希 、鄭衍峰

一起开大型游戏节目兼真人骚

《麻雀斗室三决一》。

玩麻雀呢个题材

其实都唔算新噶啦~

太远嘅唔考古住，

2017年BigBigChannel

就搞过《明星麻雀王大赛》、

《麻雀王：剧斗四方城》，

当时好多艺人同剧组都上去玩过。

今年4月芒果TV都推过

类似节目《杠上姐妹花》

作为浪姐衍生综艺，

召集咗一班又一班姐姐

一起边打麻将边闲聊各种话题。

呢类节目好唔好睇？

对于观众嚟讲，好大程度依赖

嘉宾综艺感强唔强，

以及后期如何将麻雀对局

呈现得清晰又好玩。

而新综艺呢两点目前

都做得尚算ok~

头三集嘉宾有高海宁、汤洛雯、

陈敏之同黎诺懿

（传说中的“三娘教子”？）

几位牌技、牌品都唔差，

贡献咗唔少笑点。

尤其“食脑”护法

戴祖仪全程助攻，

高章又转数快，

陈敏之轻松六连胜

仲获封“红衣女邪神”！

除咗正常对局，

唔同赛段仲会加入

功能牌转位、透明牌、

大富翁版抽卡奖惩等

多种新奇玩法增加观赏乐趣，

化学反应都几好噶！

近日陈彦行、邓兆尊、阮兆祥、

车婉婉一班《皆大欢喜》嘅老友

齐齐现身节目录制现场，

同框即回忆杀！

尤其陈彦行、邓兆尊

呢对久未同框嘅CP重聚，

认真係令人大呼“爷青回！”

唔知到时作为节目”吉祥物“嘅

家燕妈妈会唔会都落场

打翻两圈咧？

讲开又讲，

中国麻将文化博大精深，

唔少常用嘅粤语口头禅

都同麻雀用语有关噶！

例如广东话中，

“呢度都齐人够开（几围）枱了”

可以用嚟表示人齐或人多，

而“三缺一”则可以用嚟

表示人未到齐，

或者等某人等得好心急。

“食诈糊”嘅意思係

本以为十拿九稳嘅事突然落空

“食尾糊”引指

最后得到好处（胜利）

“截糊”指

被别人捷足先登、自己不能成事。

“执位”引申为用某种形式

决定或者变动各人的位置。

“四万噉口”形容

心情大好、笑容灿烂

“西风起糊，恶过老虎”，

表示在最后关头加油

先係取胜之道，好戏在后头。

今日就讲住咁多先，

你仲知道边啲盏鬼麻雀术语？

你仲想睇乜主题嘅粤语课堂？

欢迎留言同我哋分享吖~

MORE

今日娱乐看点

王力宏回应离婚传闻

近日有台媒爆料

王力宏和妻子李靓蕾离婚，

12月15日，

王力宏发文宣布

与李靓蕾“决定分开生活”。

杨洋cos展昭

杨洋在青春环游记中

cos红衣展昭，

不愧为古装造型适配度超高

嘅男明星之一！

EDG款薄荷糖？

打游戏容易上火？

国潮养生品牌邓老金方

打造“EDG限定款薄荷糖”

六种口味，花式圈粉Z世代！

来源：综艺截图、

剧照、微博、豆瓣

网络信息综合整理

编辑：陈祉伶

*文中图片版权归原作者所有，

如涉及侵权请联系，立即删除

扫描下方二维码

进入可乐生活小店

▼

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

,