香港金像奖古天乐发言带字幕（香港电影金像奖）

第40届香港电影金像奖啱啱结束

大家依然将最终获奖名单

当做茶余饭后讨论嘅话题

而今次特别跑出嘅黑马

一定就係力压古天乐、谢君豪

夺得“最佳男配角”嘅冯皓扬

▓▓▓▓▓▓▓▓▓▓▓░░░░努力加载中……

喺电影《妈妈的神奇小子》中

冯皓扬出演嘅係

少年时期嘅“苏桦伟”

呢个角色要求佢

讲嘢唔清晰、行路唔稳阵

日常肢体都好扭曲

因为每个细节扬扬都拿捏得好到位

令到观众一度入戏

同时对呢张新面孔感到好奇

知道佢係金像奖上出圈

好多网友先突然发现

原来佢係一个清新少年

精修过嘅图片甚至有啲

“偶像练习生”嘅既视感添

虽然扬扬嘅娱乐圈经历尚浅

但同圈中前辈关系似乎唔错

佢仲话自己趁机“擦下古仔鞋”

喺颁奖礼后嘅庆功宴上

佢时不时同古天乐密密斟

仲拉埋妈咪一起同前辈合影

佢接受采访嘅时候话

古仔即将出街嘅新电影

佢一定去支持

又大赞古仔似“未来战士”

原来从《呖咕呖咕新年财》嗰部电影

扬扬就已经钟意古天乐噶啦

今次得奖嘅电影又得到古仔嘅大力赞助

佢嘅呢波“鞋”都抵擦嘅

见到依家风光无限嘅扬扬

大家可能都好难想象

其实扬扬细个嘅时候

曾经患有亚氏保加症

（又称阿斯伯格综合征，一种泛自闭症障碍）

当时嘅佢情绪有问题

喺读写能力方面有障碍

只係症状相对轻微，旁人不易察觉

爹地妈咪花咗好多心机陪伴佢成长

喺《妈妈的神奇小子》选角之前

扬扬都对自己嘅未来好迷惘

拍完《妈妈》之后，佢反而觉得

其实自己都几啱做演员

就决定正式休学投身娱乐圈

扬扬摞到“最佳男配”头衔之后

最新一届TVB艺员训练班

就公开入围名单啦

佢凭住自己嘅过人之处

喺2600名报名者中脱颖而出

成为24位香港学员嘅其中一人

今期嘅训练班

会邀请资深嘅演员、主持人等等

以导师身份亲临现场授课

其中唔少得最新“视帝”谭俊彦啦

有网友就调侃到

导师嘅演技可能都不如学员

唔明扬扬点解要翻转头参加训练班

对此扬扬就表现得十分谦虚

话前辈同佢讲过

“一个好演员係要谦虚、

留意身边不同事物。”

其实佢都係想有机会多作尝试

喺前辈身上学习精华、增值自己

睇得出佢係个又上进心嘅青年

其实早前冯皓扬有过唔少出镜机会

喺TVB《爱上我的衰神》里面

客串胡鸿钧饰演嘅“陈北河”少年时期

当时已经有网友注意到佢

胡鸿钧仲赞佢演得够晒出位添

唔知大家有冇留意到咧

冯皓扬依家先17岁

在娱乐圈已经有个唔低嘅起点

希望他以后带俾我哋更多好作品啦！

MORE

今日娱乐看点

刘诗诗再演古装剧

古装剧《一念关山》官宣演员阵容

刘诗诗时隔五年再演古装剧

上一部係2017年嘅《醉玲珑》

可美可飒，可温柔可御姐

网友好期待佢上线

陈展鹏等一个角色20 年

喺《回归光影颂》中

陈展鹏饰演乒乓球教练

佢当年放弃打球到香港做演员

一直希望有角色可以帮佢圆梦

一等就等咗20几年

《独行月球》定档

由沈腾、马丽主演嘅科幻喜剧

《独行月球》定档

故事讲嘅係“宇宙最后的人类”

在月球上破罐子破摔嘅生活

资料来源：剧照、微博

网络信息综合整理

编辑：郭玮

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方靓仔可乐君（handsomecolor）

,