丁有康最坏的电影（十大香港电视剧大反派）

从1967年11月19日建台之初首部剧集《梦断情天》到现在，TVB所推出的电视剧集接近1500部，超过8万多小时。曾几何时，这个当年的华语电视女王，入戏如梦，编织了多少爱恨情仇、百味人生，成为70后、80后的童年、青春，甚至所有昨天的光阴中永远抹不去的记忆。今天，一起来回顾那些记忆里的tvb经典大反派吧！

第10名：《笑看风云》之潘朗清 (郭晋安饰)

一面乖相嘅郭晋安好少演坏人，《笑看风云》系恶人处女作。潘朗清从一开始就系一个唯利是图嘅人，后嚟一系列嘅出卖、甚至杀人，都系佢嘅杰作。上年嘅《忠奸人》可以再次见到郭晋安演恶人嘅精湛演技。

第9名：《誓不低头》之陆国荣(曾江饰)

曾江系香港电影、电视剧嘅“王牌绿叶”，而且经常扮演分量十足嘅配角。曾江好少演“杀人不眨眼”嘅大恶人，但系喺《誓不低头》里面，曾江嘅“恶行”，真系令到我依家都记得嗰个场景。仅仅系因为一场争执，就一口气将佢舅父全家六口人统统砍死晒，然后毁尸灭迹，将自己结拜兄弟郑少秋污蔑成杀人凶手，令到郑少秋含冤坐咗二十年监。依家回想起，依然毛骨悚然。

第8名：《香城浪子》之应子辉(汤镇业饰)

《香城浪子》里面，汤镇业演一个心胸狭隘嘅富家公子，自己钟意嘅女仔“庄静而”偏偏钟意死穷鬼“黄日华”，所以一而再再而三咁将“黄日华”逼上死路，仲呃咗庄静而嫁畀佢，但系结婚后怀恨在心，折磨庄静而取乐，简直心理变态!

第7名：《天地豪情》之甘量宏 (张家辉饰)

翻版徐家立，当时张家辉唔红，但系张家辉嘅“恶”令香港市民都记得甘量宏呢个人，亦都系张家辉上位之作。

第6名：《天地男儿》之徐家立 (罗嘉良饰)

徐家立喺《天地男儿》里面，佢手上足足五条人命，单系五条人命，就知道有几恶。徐家立呢个角色之后，罗嘉良就好少再演反派。

第5名：《火玫瑰》之乔立(罗嘉良饰)

罗嘉良演嘅乔立将追唔到手嘅一个女仔卖去外国。而且戏中着嘅都系名牌西装，头发都永远油光闪闪，完全就系一个恶人look。

第4名：《今生无悔》之高天俊(温兆伦饰)

温兆伦出演嘅第二个反派角色，驾轻就熟。呢套戏系为黎明定做嘅，但温sir照样“正不压邪”，十分出彩。

第3名：《流氓大亨》之钟伟舜(吴启华饰)

钟伟舜从小同屋企人失散，寄养喺大户人家里面，为咗唔失去拥有嘅嘢真系会不择手段，用车撞死亲生老窦，用尽阴谋诡计对付自己亲生大佬，不过害人终害己。

第2名：《大时代》之丁蟹 (郑少秋饰)

《大时代》最成功嘅就系塑造咗丁蟹呢个角色，佢自信、满口仁义道德其实极端自私、自以为是，又极端神经、偏执、不可理喻。呢个人物真系太经典了，时至今日，提起丁蟹呢个名，大家都知道佢将自己几个仔亲手推落楼......

第1名：《义不容情》之丁有康 (温兆伦饰)

睇过《义不容情》嘅人都会想打佢嘅恶人，撞死人要大佬顶罪，为咗抛弃前女友竟然将佢推落火车，杀咗自己嘅养母，毒死自己嘅亲侄仔，身边嘅老婆都畀佢害死，真系唔知有咩佢会做唔出。当时温兆伦红遍两岸三地乃至成个东南亚地区，丁有康丧尽天良，人人得而诛之，当时温兆伦出街都会畀啲追剧嘅师奶掟鸡蛋同石仔。