亮声open粤语皆大欢喜原版（广州版皆大欢喜）
前段时间，《大话西游3》上映，3.6亿嘅高票房，但系评分完美扑街。搞到阿咩睇完之后，马上就返睇星爷原版《大话西游》洗眼。
真系不得不感叹物是人非，果然最美的、最经典的永远是最初的那个。
阿咩谂返起一部同样系第一部远胜于后面所有续集嘅经典喜剧，曾经被誉为广州版《皆大欢喜》——《乘龙怪婿》。
斋听返首主题曲，啲回忆即刻上脑！
《乘龙怪婿》一共有四季，从2005年播到2010年，期间主角多次换血，收视亦都逐渐下降，最后全面停播。
不过，最好睇、最搞笑、广东人心目中最认可嘅永远都系第一部，并唔系阿咩乱讲，有图为证。
曾经有人喺贴吧做过调查，
将近九成嘅人都认为第一部系最好睇。
今日阿咩就同各位自己友重温《乘龙怪婿》第一部。
此图可以勾起好多人嘅童年回忆
《乘龙怪婿》嘅剧名，出自“萧史乘龙，东床快婿“嘅典故，由于定位系古装喜剧，编剧认为直接用“乘龙快婿”作为剧名，就太文艺，缺少喜剧味，就将“快婿”改成谐音嘅“怪婿”。
根据当时编剧回忆，初期佢哋创作《乘龙怪婿》，其实系来源于《外来媳妇本地郎》，打算做成《外来》嘅古装版，最初嘅剧名其实系《中原媳妇岭南郎》，所以贾发一家系中原人，但系四个女婿都系岭南人。
2005年春节，《乘龙怪婿》正式开播，首播告捷，引起广东大众热烈追捧。
根据当初AC尼尔森市场研究公司报告嘅数据显示，该剧播出30集以后，就已经喺“观众最喜爱广东省电视剧类”排名榜上名列第十位，而《外来媳妇本地郎》要播出100集先有呢个成绩，《乘龙怪婿》算系广东省电视界嘅奇迹。
《乘龙怪婿》第一部讲述嘅系大内侍卫贾牙被卷入皇帝与岭南王之间嘅争斗。
期间，各种阴差阳错，岭南王猝死去世，记录皇上丑事嘅《回忆录》又不知所踪，贾牙被诬陷行刺皇上并盗走《回忆录》，无奈之下，贾牙连夜带住成家人逃走去南方。
贾牙改名贾发，带住一家人嚟到有得镇定居，成为当地妇科圣手。时隔多年，贾牙一家已经过上稳定生活，四个女搵咗四个骑呢古怪嘅女婿，一家人过住轻松而诙谐嘅生活。
随住小岭南王嘅失踪，《回忆录》再现江湖，贾发一家平静嘅生活，逐渐迎来各种危机。
《乘龙怪婿》之所以成为炙手可热嘅广东喜剧，最大原因就系塑造了一系列出彩嘅灵魂角色。
贾发
贾发（张颂文 饰），孤寒小气，怕老婆好面子，蹦蹦跳跳嘅老顽童，但系感情真挚而脆弱。当时不足而立之年嘅张颂文凭借社会阅历同电影学院嘅知识，将呢个角色演得活灵活现。
其实，最初张颂文打算演大女婿海朱乔，后来睇完剧本之后改变主意，出演贾发，所以我哋先睇到狡猾机智又搞笑可爱嘅贾发。
贾昭君
贾昭君（陈萧蓬 饰），贾发次女，珠圆玉润。贪钱，经常乱使钱，花名”肥仔昭“，昭君嘅贾家“二指钳”杀人于无形,呢点丈夫尚下九深有体会。
尚下九
尚下九（蒙伟明 饰），昭君嘅丈夫。爱钱如命，经常有各种小聪明。
其实，九哥真系乘龙怪婿嘅灵魂，再无厘头再尴尬嘅剧情，佢哋都会演得自然而搞笑，好似《外来媳妇本地郎》嘅二佬康祈宗一样，少咗佢哋，成部剧嘅灵魂都唔见埋。
西门口
西门口（刘云明 饰），四女玉环嘅未婚夫，专搞各种（冇鬼用嘅）发明，搞怪精灵，喜欢挥霍使钱，面对靓女会勾搭，但系有色心冇色胆。
经典金句：我系倾国倾城，恨锁金瓶，冰雪聪明，专搞发明西门口。
笑口组出身嘅刘汗，虽然外表憨厚，但系依然发挥佢嘅喜剧天赋，将呢个角色演绎得好出色。
武得训
武德训（张鹏 饰），喜欢舞文弄墨，表面上正义凛然，但系缩骨小气，经常同贾发一家斗生斗死，但系为官尚算正直，有心治理好有得镇。
仲有啲精彩配角及一众酱油角色
吴三吴四
冲动憨居嘅吴三，好吃懒做嘅吴四
武德训身边嘅活宝
万金尤
贪心刻薄、八卦多事嘅媒婆
谋士阿瘦
呢句真系经典口头禅
为咗做对比，编剧仲设置咗反派番禺公嘅谋士阿肥
《外来媳妇本地郎》嘅口水威
实话实八
潘洁客串嘅实话实八嘅编辑
第二部开始接任出演贾夫人
（仲有好多出彩角色，讲唔晒）
除咗角色塑造成功，《乘龙怪婿》嘅成功仲可以归功于以下几点：
时机适合，定位精准
十年前，广东地区嘅本土喜剧，除咗《外来媳妇本地郎》，就系《开心廿四味》《山水友相逢》，偏向于家庭情景喜剧，虽然老少咸宜，但系上一代人比较钟意，始终难以抓住年轻人嘅心。
《乘龙怪婿》最初系一个年轻团队作为编剧，所以话题性同剧情都偏向年轻人，加入咗好多年轻人中意嘅因素，比如无厘头搞笑、烂gag。
《乘龙怪婿》既具有市井风格，又情节夸张，这种荒诞不羁、时尚前卫嘅喜剧，最能引起年轻人共鸣。
恶搞嘅”男子十二乐坊“
蜘蛛侠梗
借鉴经典笑料，糅合自身创意
《乘龙怪婿》之中有唔少致敬其他喜剧嘅剧情，比如原本系大内侍卫嘅贾牙，逃离王宫之后做咗嘅妇科医生（参考《大内密探零零发》），贾发嘅盆栽改名为小翠（参考《唐白虎点秋香》）， TVB嘅煮面梗等等。
虽然系引用其他喜剧嘅笑点，但系胜在剧本肯花心思，将笑点同剧情合理融合一齐，使得情节过渡自然，并唔会显得尴尬突兀。
《乘龙怪婿》都有啲笑点，而家翻睇都系非常经典。
万金尤可以移动嘅痣
贾发，尚下九用歌词对暗号
阿九睇起身比人绑住，
其实自己一解就开
武德训嘅悬丝诊脉，
莫名其妙开始弹琴
贾发扔鞋
（贾发同尚下九互动一直好好笑）
本土文化成功植入
比起喜剧，《乘龙怪婿》最突出嘅一点就系，将人名、地名融入广东粤语特色。
”有得镇，武德训“就非常经典啦
传说中嘅芳村花旦王从未露面
粤语顺口溜
有个镇叫隔离镇
有座山叫李丽山
故事串联自然，笑中带泪
一般情景剧受资金限制，剧情只能局限于几个固定空间，场景十分单调。而《乘龙怪婿》喺南海影视城建搭建场景，系唔同环境嘅实景拍摄，不限于摄影棚，避免咗情景剧场景单薄而枯燥嘅缺点。
同时，虽然每集剧情展现贾家唔同嘅日常生活，但系《乘龙怪婿》始终有主线”寻找《回忆录》“串联，使得《乘龙怪婿》第一部剧情唔会过分偏离。
《乘龙怪婿》搞笑消遣之余，又不时会讽刺当今社会。伴随住贾家嘅大起大落，风风雨雨，经常会出现感人情节，使人笑中带泪。
比如，武德训发誓要做个好官之后，马上打雷——
又比如，曾经身为大内侍卫总管嘅贾发，如今为咗生活，不得不向镇官武德训低头讨好，显示人生起落无常，每个人总有虎落平阳被犬欺嘅时候——
再比如，贾发虽然口口声声睇唔起女婿尚下九，但系交客栈俾尚下九之后，依然会畀佢一笔钱，以备不时之需——
喺今年曾经有传出，《乘龙怪婿》可能拍电影版嘅消息，但系真假未知。
讲实话，阿咩并唔想拍电影版，就好似大家唔想《大话西游》被毁，阿咩同样唔想《乘龙怪婿》被毁。
有啲经典，与其翻拍被毁，
仲五如永远留喺观众心中嘅神坛。
如果有自己友想重温经典，
喺A站同优酷都有粤语资源~
边位自己友同阿咩一样
咁钟意《乘龙怪婿》？
快啲嚟留言区相认啦！
素材出自百度贴吧、南方日报等
本文看点由羊城网负责整理编辑
美妙乐事最新出品
爱情主题“烟韧”“肉紧”抱枕
送男女朋友嘅必备佳品
免责声明：本文仅代表文章作者的个人观点，与本站无关。其原创性、真实性以及文中陈述文字和内容未经本站证实，对本文以及其中全部或者部分内容文字的真实性、完整性和原创性本站不作任何保证或承诺，请读者仅作参考，并自行核实相关内容。文章投诉邮箱：anhduc.ph@yahoo.com
