开心速递590粤语最新（粤语课堂如果开心速递嘅大小姐做你老细）

如果要讲TVB最长寿嘅剧集，

以前就一定係

“笑声笑声满载温馨”

嘅《真情》啦！

超过一千集嘅《真情》，

一日睇一集都要睇

起码三年先得。

不过呢个尘封咗成廿年嘅纪录，

旧年就畀近年最HIT嘅

《爱回家之开心速递》打破啦！

破纪录呢单嘢，

最威水嘅就梗係

两套剧都有份主演嘅

“根叔”刘丹啦！

睇下丹爷亲自宣布

自己破自己嘅纪录个样，

真係劲巴闭啊！

而讲到喺剧中最威水嘅人，

除咗“根叔”嘅巴打“大龙生”之外，

另一位就一定係掌管

“接龙集团”财务部

兼新任CEO嘅

大小姐“龙力莲”啦！

名校毕业嘅大小姐，

唔单止IQ高，

打理一间大公司

对佢嚟讲都一样冇难度！

比起佢嗰几位唔多掂水嘅细佬，

大小姐直头就係

成个接龙集团入面

最资格做接班人嗰个啦！

不过叫得大小姐，

而佢又咁做得嘢，

你话冇翻啲脾气就实係假！

睇开《开心速递》嘅你哋

应该都知道，

大小姐必杀技就係：

魂精杀手！

所有做嘢有甩漏，

或者帮唔到手嘅伙记，

都会成为佢口中嘅“人头猪”，

畀佢督爆云精真係分分钟嘅事！

想喺接龙集团做嘢，

但又唔想畀人督爆魂精？

咁你开工嘅时候就要

打醒十二分精神啦！

大小姐有任务交带落，

“三两下手势搞掂”就最好不过。

若然你下下都做到“乱晒龙”，

咁就真係“送水辉”都救你唔到啦！

想知点样先可以喺公司获得

好似大小姐呢类Boss嘅欢心？

咁今期嘅粤语课堂

你就一定唔可以错过啦！

☟

资料来源：可乐生活color

录音：彭琳 许家铃

剪辑：彭琳

设计：罗振威

编辑：彭琳

*文中图片版权归原作者所有，如有问题，请与原作者联系

扫描下方二维码

进入可乐生活小店

▼

海鲜包送到屋企

你都可以做厨神

▼

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

,