广州白云的评价（来自灵魂深处的呐喊）
每到7月，暑假即将来临。
同时广州都即将进入全年最热嘅时期！
天气一日热过一日，
粤语口头点样表达，
先可以体现出唔同程度嘅热？
热辣辣
热辣辣：比“好热”嘅程度再深一啲。
例句：
“喂，出边热唔热啊？”
“何止热啊，热辣辣啊！”
热死人
热死人：热到会死人，热嘅程度又深一层。
例句：
“出边究竟有几热？”
“热死人！准备入急诊了！”
热到飚烟
热到飚烟：完全冇夸张成份，喺头上面洒小小水，有时的确会冒烟。哩个程度嘅热，你嘅意识基本上模糊不清，大脑基本上惗唔到嘢。
例句：
天气预报：“哩几日广州都系高温炎热…”
“屌你咩炎热？直头热到飚烟啦！”
㷫烚烚
㷫烚烚：注意，㷫烚烚原意系指一种“心理转为生理嘅反应”，（例如见到个靓女，搞到全身㷫烚烚）同天气热冇关联，不过用嚟代指天气热，都十分有味道！
例句：
“热到全身都㷫烚烚。”
“我连心情都热到㷫烚烚啊。”
㷫到上心口
㷫到上心口：南方夏天高温多雨，十分闷热，地上嘅水蒸发被人吸入，部分人会产生不良反应，主要表现就系“心口一股热气散唔开”。
例句：
“落唔出雨，焗到人都晕了！”
“㷫到上心口啊，周身唔舒服。”
㷫过辣鸡
㷫过辣鸡：同“㷫烚烚”，㷫过辣鸡原意同天气热冇关，系指一个人“好嬲，嬲到爆”嘅意思。但因为“辣鸡”（电络铁）最高温度达到上百摄氏度，用来形容天气热都十分有创意！
例句
“广州鬼死咁热，顶唔顺啊。”
“系㷫过辣鸡至真。”
㷫过火屎
㷫过火屎：同样，呢个词都系指一个人“好嬲，嬲到爆”嘅意思。火屎，系木炭燃烧之后形成嘅木炭灰，虽然火已经熄灭，但温度都高得可怕。
例句：
“出边㷫过火屎，你帮我买杯冻柠茶啦，我唔想出去啊！”
“买条毛！自己出嚟买啦！我就真系㷫过火屎了！”
最后用一句话形容广州究竟有几热
季军：我请咗假book咗票，听日飞新疆。
亚军：我依家冲第三次凉。
冠军：落街行两圈，返屋企称重，瘦咗两斤！
免责声明：本文仅代表文章作者的个人观点，与本站无关。其原创性、真实性以及文中陈述文字和内容未经本站证实，对本文以及其中全部或者部分内容文字的真实性、完整性和原创性本站不作任何保证或承诺，请读者仅作参考，并自行核实相关内容。文章投诉邮箱：anhduc.ph@yahoo.com
