陈贝儿拜访山海情（无穷之路有姊妹篇）

喺寻晚嘅

“2021感动中国年度人物颁奖典礼”上

Color个新朋友陈贝儿

荣获“感动中国2021年度人物”

大家都觉得佢实至名归

贝儿发表感言嘅时候话

作为一个媒体人

用镜头传递真实故事

係自己嘅分内事

前段时间

Color也有幸同佢倾计

听佢分享“无穷之路”上所见所想

惊喜之余，常伴感动

对于陈贝儿嚟讲

2021年係好充实嘅一年

除咗以主持人身份走上“无穷之路”

佢仲参与到呢个节目嘅制作同策划当中

“使命感”推动

亲历“无穷”贫瘠

拍摄嘅整个过程有几辛苦

我哋可以跟住节目镜头感受

陈贝儿觉得呢趟旅程受益匪浅：

睇落简简单单嘅一条楼梯

原来係咁来之不易

亲身爬下天梯随便要几个钟

仲要克服畏高

经历咗溜索过江嘅险象环生

令佢明白到当地人民嘅顽强坚韧

理解到佢哋对安定环境嘅渴求

有过高原缺氧反应

就更加感受到

美景安抚人心的力量

係几咁强大

……

贝儿分享话

喺“无穷之路”上嘅人

对目前嘅生活都好满意

而且乐于同大家分享呢份喜悦

从中我哋都可以从中感受到

佢哋嘅幸福指数有几高

去到四川甘孜

贝儿同丁真一起体验生活

讲起呢part经历

佢忍唔住甜甜欢笑

难掩佢心中兴奋

丁真虽然被“网红化”包装过

但当佢回归草原上嘅马背

依然係一个热爱家乡、

不羁放纵爱自由嘅甜野boy

贝儿瞬间被呢个纯真少年融化

大家通过媒体平台见到嘅“丁真”

係佢以一个“旅游大使”嘅身份

履行自己推广家乡嘅职责

呢个就係佢嘅“使命”

同丁真一样

贝儿喺《无穷之路》上

坚持“身体力行”

一路采访一路亲身经历

呢个亦係佢嘅“使命感”

“要自己切身感受，真实还原俾观众”

感谢呢份工

enjoy双向学习

做主持人咁多年

贝儿去过好多地方、遇到好多人

红毯上嘅国际影星、

电影制作人

甚至係一个展示嘅铜像

都可以係佢思考、学习嘅对象

因为睇电影《断背山》睇得太上头

贝儿望住奥斯卡个标志雕像

都会脑补到电影中嘅某些桥段

自言好中意交朋友嘅贝儿

拍《嫁到世界这边端》嘅时候

结识嘅“人妻”都变成佢嘅咗好姊妹

嫁去非洲嘅Serena、

远赴意大利嘅Karen

扎根摩洛哥的小霞……

节目后都有同贝儿

keep in touch

互相鼓励、支持、分享生活

旧年佢哋就好难得咁凑埋一堆

台前幕后一起大聚会

贝儿话佢哋每个人身上都有好多故事

探索佢哋嘅人生可以学到好多嘢

喺《无穷之路》拍摄中

贝儿话从“悬崖飞人”身上学会勇敢

喺种咖啡嘅叶萍姐度见到坚韧

到大草原上感受到孩童们的纯真

……

吸收其他人传递出嚟嘅正能量

再将佢哋分享翻俾观众

令佢“好多谢呢份工，

等我有机会去好多唔同嘅地方！”

身份百变

不受“封面”限制

除咗大家好熟悉嘅“主持人”身份

陈贝儿其实都可以係“演员”

佢係《香港爱情故事》中

饰演知名摄影师“李廷均”

呢个角色喺工作上好专业

用心去抓拍每张照片里面嘅“灵魂”

贝儿话佢搵咗专业嘅摄影师

提前同自己练习

而喺情感上

佢又将呢个角色演绎得好知性

钟情表面所见嘅幸福恩爱

亦接受暗藏其中的遗憾之美

除咗客串电视剧

最近陈贝儿仲化身“歌手”

喺节日晚会上演唱粤语经典

佢唱嘅《万水千山总是情》、

《红日》等粤语歌

连原唱汪明荃都赞佢唱得好

正如佢之前所讲

“做主持係最得心应手嘅工作，

但如果有其他尝试都无任欢迎。”

陈贝儿话

人生係一本无限可能嘅书

不受封面限制

内容係可以不断拓展嘅

▓▓▓▓▓▓▓▓▓▓▓░░░░努力加载中……

係“万千星辉”嘅“最佳女主持”

又係“感动中国十大人物”之一

我哋仲会见到几个唔一样嘅贝儿？

据陈贝儿透露

“无穷之路”佢会继续走下去

《无穷之路》嘅姊妹篇已经在筹备中

大家係米好期待咧

MORE

今日娱乐看点

群星唱响《北京说》

黄磊、黄少艾、于谦、张一山、

宋轶、白举纲、刘惜君

一起唱响《北京说》

为冬奥会、冬残奥会的健儿们喝彩！

《猎罪图鉴》定档

由檀健次、张柏嘉、秦海璐等人

演绎嘅单元探案剧定档

佢哋用画笔勾勒罪恶

让真凶无所遁逃

身高唔够，茶几嚟救

喺《你好神枪手》中

胡一天&邢菲吵架

碰到有强烈身高差，点算？

邢菲就跳上茶几搭救

可可爱爱又甜甜蜜蜜

资料来源：可乐生活687期、微博、豆瓣

网络信息综合整理

编辑：郭玮

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方靓仔可乐君（handsomecolor）

,