郑伊健蒙嘉慧我们在一起（郑伊健同9个靓女）

最近郑伊健&周家怡主演嘅

运动电影《深宵闪避球》举行首映啦

唔少明星、高层都有去撑场

自从2018年拍完《黄金兄弟》

同一班“古惑仔”一起出镜之后

伊面哥哥已经好耐

冇出嚟同大家say hi啦

久违再露面

佢嘅状态依然好fit

个样都仲好后生

冇输俾嗰啲

上“哥哥”回春嘅其他几位

据闻喺呢部电影

扮演“过气教练”嘅郑伊健

会搭档8个年轻貌美嘅新扎靓女

伊健就负责教佢哋打波

帮佢哋打气

助力佢哋重振信心、展翅未来

为咗营造喜剧嘅气氛

从片花中都可以睇到

扮演“教练”嘅伊健造型搞鬼

饰演学员嘅靓女们

hea坐、弱质、诈娇

样样都中晒

难怪喺预告片中

都特别加粗强调

呢部係香港电影史上

最“揸流摊”嘅运动电影了

粤语“揸流摊” 释义:泛指做事马马虎虎、敷衍了事、得过且过、弄虚作假等

~呐~

部电影虽然看似摆烂

但最终都係会

带到正能量俾大家嘅

喺伊健教练嘅帮助下

啲学员会学识正视问题

重拾自己嘅信心振作起来

伊健就坦言

一开始自己就觉得

同年轻人可能有代沟

唔识点交流

但随着拍摄进度大家互相熟悉

啲靓女就开始越来越活泼

令伊健觉得好嘈好头痛

同伊健搭档嘅女主角周家怡

除咗靓样可以同啲后生囡囡PK之外

连心态都好prefect

喺戏中饰演“社工”嘅佢

职责就係要同啲囡囡倾计讲心事嘅

所以成个思维方式都比较接近佢哋

状态100分嘅郑伊健

加埋心态满分的周家怡

搭住青春满满、活力非凡嘅靓女

成部电影都洋溢住sporty嘅气息

呢边厢

郑伊健同一大班靓女“打得火热”

而嗰边厢

佢太太蒙嘉慧

就海外求学遇到阻滞啵

有传学紧外文嘅蒙嘉慧

参加考试嘅时候就“肥佬”咗

搞到要重考

讲起呢坛嘢嘅时候

伊健就表示

正因为唔识先要去学

真係够晒体贴太太心啰

佢更透露

等自己忙完手头上嘅嘢

就会去探太太噶啦

满分24孝好丈夫原地认证啦

唔知大家对呢部电影

感唔感兴趣咧？

大家又羡唔羡慕

伊健&嘉慧呢pair恩爱CP？

MORE

今日娱乐看点

《大宋少年志2》官宣

令人久等嘅《大宋少年志2》

终于有动静啦！

今日佢官宣演员阵容

张新成、周雨彤、王佑硕

苏晓彤、郑伟、付伟伦

将会出演哦

陈哲远&沈月交换咗剧本？

喺《我的反派男友》新预告中

陈哲远被沈月孭起之后

惶恐中甚至有点娇羞嘅味道

点解可以咁可爱

李紫婷新歌上线

李紫婷新歌《钻石光芒》

今日正式闪耀上线

首歌唱出无论前行嘅路途

多么遥远和艰难

爱和信念总会跨越一切

资料来源：剧照、微博

网络信息综合整理

编辑：郭玮

审核：曾敏妍

签发：骆苹

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方靓仔可乐君（handsomecolor）

,