陈豪陈茵媺合照 陈茵媺要pk林子祥

陈茵媺最近时不时都会po下

同仔仔囡囡游玩、食嘢等等嘅照片

晒下自己嘅幸福少奶奶生活

睇得出佢哋唔忧柴米

令人羡慕！

可能喺屋企hea得耐

想活动下筋骨

最近佢拍埋老公陈豪

一起出动拍广告喔！

▓▓▓▓▓▓▓▓▓▓▓░░░░努力加载中……

陈豪夫妇恩爱就大家都知噶啦

虽然成日都可以喺社交平台

见到佢哋烟烟韧韧嘅sweet合照

但其实佢哋自从喺《心战》挞着之后

都冇再合体拍剧

当年佢哋合作

只係饰演相依为命嘅兄妹

同陈茵媺有感情线嘅

反而係Color个friend沈震轩啵

emmmm又有啲《家族荣耀》嘅感觉

两人正式成为一家人后

除咗偶尔一起出席贵气晚宴之外

仲会喺啲公益活动现下身

而今次嘅广告

就係佢哋首次夫妻档出击

连陈豪自己都觉得新鲜感爆棚

当然呢个广告都做得非常得意

陈豪&陈茵媺喺片中

会好似橡皮人咁，Q弹有活力

用自己嘅“橡皮手”收刮超市好物

同佢哋搭档嘅两位小演员

同样亦精灵鬼马

广告限定嘅“一家四口”造型

仲撞款卡通片《超人特工队》添

值得一提嘅係

呢个广告除咗係

陈豪陈茵媺嘅“夫妻首秀”之外

佢哋两个仲会合唱广告主题曲

算係佢哋首次CP献声嘅作品

因为呢款广告嘅另一个系列产品

曾经係由林子祥&林德信

父子档代言嘅

今次嘅新版广告歌

都特别用咗林子祥嘅

代表作《成吉思汗》嚟改编

显示出Lam哥嘅崇高地位

最近Lam哥喺《声生不息》人气好高

无论係solo定係同人搭档都睇头十足

陈豪夫妇今铺算唔算係

梦幻“联动”咗一次港乐综艺咧

资料来源：微博、剧照

网络信息综合整理

编辑：郭玮

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方靓仔可乐君（handsomecolor）

,