最好听的粤语方言（閒话上海方言之）

勒拉沪语方言閒话当中，有得一嗰词语叫做“炒冷饭”，伊原本呃意思是勒拉讲：“畀饭窝子里向呃冷饭再去加温炒热！”后来就畀上海人比喻成为：“重复已经讲过呃各类话语，或者已经做过呃事体，覅仅仅是呒得啥新呃内容，而且还要反反复复去讲、去做唻！”

比方讲：每年到了春节大年夜夜到头呃辰光，央视眼扳数要进行春晚直播。勒拉老底子、勒拉直播呃辰光，赵本山主演呃各类小品也是覅可缺少呃，就勒拉2007年，央视春晚播出了赵本山、宋丹丹跟牛群联诀出演名字叫做《策划》呃小品，《策划》是白云黑土系列小品呃第三部，勒拉迭嗰小品当中，赵本山就去炒了冷饭噢，就反反复复重复去讲了覅少呃閒话，其中就有一句閒话就叫做：“你太有才了！”而且迭句閒话成为了当年经典閒话噢，人人僎会得去讲，每趟仔要是去称赞某嗰人、去拍拍人家马屁呃辰光，就会得去讲迭句閒话。

或许，当吾伲睁开眼睛呃每一天僎是赤刮辣新呃一日天，昨天仔覅单单是覅恁去复制呃，更勿大会得去让吾伲重唻一趟啊！也许今后呃日脚跟俗常生活就变成迭恁样子了，俗常生活日复一日，就好像昨天仔一样变得简单枯燥，还可以去采用迭八嗰字来形容，伊就是——“平平淡淡波澜不惊”，就勒拉迭嗰日脚跟俗常生活当中，千年难般还会得畀吾伲一眼眼“惊喜”噢。但畀过，最最主要呃主角就是平平淡淡，只有每一嗰人真正去认识到了各类人事物情、日脚跟俗常生活呃本质，吾伲覅仅仅恁更好呃去面对各类世事无常，还恁够好好呃去面对各类人事物情、悲欢离合、尘世间呃八苦。吾伲僎要去牢牢呃记勒拉脑子里向，每嗰人唻到了迭嗰世界哴向，全部是邪气勿大容易呃一桩事体，唻人世间跑一趟，每家每户、每一嗰人，僎要去经历并面临人世间呃悲欢离合、喜剧与戏剧、悲剧与悲苦，覅管是啥呃人，做啥呃营生呃，脾气秉性又会得是哪恁样子呃，人世间呃八苦侪要去面临跟经历呃，啥人僎是逃覅忒，吾伲侪要去做好充分呃准备。唯有迭13嗰字唻跟大家共勉之：“但愿人人侪恁去跨过迭道门槛。”

有些么事跟各类人事物情，吾伲覅仅仅是再哪恁想去逃啊是逃覅忒呃，更是呒啥呃好办法恁去避免回避呃，吾伲唯一恁去做呃办法就是——乐观呃、坦然呃去面对现实并予以接受，迭嗰是自身走向成熟旅程当中，覅可缺少呃一道门坎，伊就勒拉每嗰人呃生命旅程当中，覅管是接受还是覅肯去接受，伊就是每嗰人生命旅程之中必然呃么事啊，吾伲覅单单要乐观呃、坦然呃去予以接受，还要勒拉自家力所能及呃范围之内，去努力寻找追求生命中呃可恁、可以去获得呃各类么事跟人事物情，只要是尽了自家最最大呃努力，无怨无悔就好。

勒拉吾伲呃生命旅程之中、勒拉俗常生活当中、勒拉某些辰光，尘世间呃各种纷繁复杂起起落落你来我往人情世故尔虞我诈……会得让人感觉到烦躁不安，自家呃身心也覅恁去得到净化跟安宁，勒拉某些辰光，嗰人只想好好较去静坐沉思片刻，也变得邪气困难困难重重噢，迭嗰还覅算啥，外部世界也要吾伲去参与期间啊，吾伲覅想去参与期间还覅大唻三啊，只因为吾伲是一嗰社会人，是呒得啥呃好办法去逃忒伊唻，只好硬着头皮依样画葫芦跟着大家一道去做啊……一嗰人，只有勒拉安静呃环境当中，侪恁够去放下所有呃一切跟面具噢，迭嗰辰光就恁让身心彻彻底底呃去放松一下，还恁让自家去多了一些沉思、慎思跟反省啊，还会得让自家呃魂灵头变得清爽有趣啊。

既覅管是啥呃人，也覅管伊嗰脾气性格到底又是哪恁样子呃，更覅管伊是做啥呃营生呃，伊本人只有一嗰中心点噢，迭嗰中心点就是——“生活”，只要是活勒拉人，侪是绕覅过生存迭嗰话题呃。当然，人活勒拉尘世间里向，覅单单是上有老下有小、柴米油盐酱醋茶，还需要情怀跟诗与远方，更需要勒拉整嗰人生旅程当中，接受各式各样呃风霜雪雨、现实世界，面对生存环境当中所有呃一切，也包括别人家向自家射过唻呃冷言冷语冷嘲热讽冷箭等等……勒拉不知不觉之中，吾伲通通僎勒拉成长过程当中，去逐渐接受各式各样呃八苦跟各式各样呃现实生活，勒拉俗常生活当中，去调节自家呃情怀跟诗与远方，勒拉调节情怀跟诗与远方呃全过程之中，亦覅会得去脱离实际！

还有呃就是，吾伲僎覅是生活勒拉真空当中，侪是社会人，覅管勒拉人生旅程当中，有得多少人射过来多少冷言冷语冷嘲热讽，吾伲覅得覅硬着头皮，去学会融入到尘世间里向，逐渐逐渐去远离最初天真烂漫呃状态跟性格，让自家呃嗰性变成为多面性跟多样化，并且还要去寻找自家跟尘世间侪有呃契合点，从而使得自家勒拉处世呃辰光，恁够跟尘世间相对而言变得融洽。唻尘世间跑一趟呃吾伲，就是唻修行、喫亏、喫苦跟磨合呃，而且还要反反复复呃去做噢，假使勒拉迭嗰过程当中，有得做得覅大对呃地方，还要适时呃去做调整，迭恁去做就好像是勒拉炒冷饭一样呃，迭嗰啊是呒得办法呃一桩事体噢，生活勒拉尘世间呃各色人等，必定是离覅开江湖呃，有人呃地方，眼扳数是有得江湖啊，套用武侠小说四大天王之一古龙先生讲过呃一句閒话：“人在江湖身不由己！”步入江湖当中啥人侪覅好免俗呃。

既然是讲到了“炒冷饭”迭句上海閒话，就覅恁覅去讲讲自家了，自家有邪气多呃爱好，勒拉其中一项爱好就是——欢喜去写写各式各样呃文章，最最大呃原因就是因为自家讲起閒话唻，多多少少是有一眼眼“饭泡粥”呃咪道噢，讲起唻还要三番四覆啰啰嗦嗦，既为了避免少去讲各类閒话呃次数，还为了防止多讲多错言多必失迭嗰坏毛病，就畀要讲呃各式各样呃閒话，僎汇聚到了所要写呃文章当中去。

另外要去讲到呃就是，近抢把，嗰人又去炒了写文章呃冷饭，由于近抢把写覅出各类新呃文章，就去畀老底子写呃各类文章拿出唻炒炒冷饭，还总觉着老底子所写呃各类文章，覅是顶顶好噢，就重新去好好较修改一遍，但畀过，勒拉修改呃辰光，基本框架跟原唻所要去表达呃意思跟含义是覅去改变呃，除忒只去修改语词用得覅正确呃地方以外，还去增加新呃内容，从而就使得文章更加丰富多彩了。

辰光一长久而久之，本人勒拉健身会所健身汏浴已将近有三年了，认得了一嗰爷叔辈分呃人，已经退休了，伊嗰网名叫做“路人甲”，通过进一步接触了解后，晓得了伊本人跟笔者是一色似样呃，勒拉俗常生活当中，伊爱好各类收藏跟阅读各类好文章，了解到了本人欢喜去写写各式各样呃文章后，还要求本人畀所写呃文章发畀伊看一看，当伊看过了以后，也是邪气欢喜看看本人写呃各式各样呃文章。

伊还曾向本人提过一眼眼小小呃意见跟建议唻，伊就去讲道：“伊本人就认为吾所写呃各式各样呃文章，即使去写好了，就用覅着僎去好好较修改了，尽最最大呃可恁去保持原汁原味就好了，迭嗰也是吾本人呃历史跟心路历程，如果僎去修改忒了，吾本人最初呃历史跟心路历程，覅单单会变得面目全非，而且还邪气覅像一嗰样子唻，拿自家最初呃历史跟心路历程僎擦忒了，写文章去保持原样最好。”

本人覅是迭恁样子去认为呃，本人最初是爱好写各式各样呃文章，覅管文章写得是好是坏，一股脑儿僎发布到了各类网络当中去了，后唻辰光一长久而久之，文章写得越唻越多，也有得一眼眼经验了，回过头唻去看自家所写呃各式各样呃文章，总觉着最初勒拉写文章，多多少少是有得一眼眼任务观点，写好了就了事，还觉着迭恁去做既是覅对呃，又是邪气错误呃一桩事体，要写文章就要好好较去写。

既然是要好好较去写各式各样呃文章，就要把原唻所去写呃各式各样呃文章，去重新推到再唻一趟，如果有写得覅好跟覅对呃地方，就要去好好较修改修改，修改好了以后，既可以让自家呃各式各样呃文章变得更加丰富多彩，还可以让文章变得更加有深度跟广度。

本人曾经看到过两篇老底子有关于写作呃文章，第一句閒话就是：毛主席曾经也讲过迭能一句閒话唻，曰道：“天下文章一大抄，就看侬会覅会去抄！”第尼句閒话就是：“一篇好呃文章，就僎是通过无数次去修改出唻呃！”……某些好呃文章僎是一趟又一趟去修改出唻，还有可恁要通过N多次呃修改噢！……本人还清楚呃记得，勒拉自家读小学呃辰光，曾经呃同学班长语文课代表高翼（男生），每年僎要去参加笔者所在城市——《上海市——新概念作文大赛》，伊所写呃各式各样呃文章，从初稿到拿出去发表，顶顶少也要去修改14遍噢。

因此从现在开始，本人认为要想去写好各式各样呃文章，一定要去好好较修改修改，每修改一趟就等同于自家勒拉重新去写新呃文章，对于今后哪恁更好呃去写各式各样呃文章，绝对是有得帮助呃。

总而言之，言而总之，每嗰人呃人生旅程，就是勒拉炒冷饭，还要反反复复呃去炒冷饭，难道迭种讲法是邪气错误覅对呃吗？！

【备注：①文章为作者原创；②各种上海滩风景类图片、上海方言閒话图片以及各类文字动图图片均来源于网络上；③感谢原创图片。】

杜老倌侠客居（陆伟）写于2020年02月27日星期四晚上

,