最经典的32首粤语童谣（老广的童年集体回忆）

氹氹转 菊花园

氹氹转，菊花园，炒米饼，糯米圆，阿妈带我睇龙船，我唔睇，睇鸡仔，鸡仔大，拎去卖，卖得几多钱，卖得三百六十五个仙。

嗳姑乖，嗳姑大

嗳姑乖，嗳姑大，嗳大个姑仔嫁后街，后街有鲜鱼鲜肉卖，又有红皮屐仔绣花鞋，又有鲜花戴，戴又戴唔晒，丢落床头界老鼠拉，一拉拉到大新街，大人执到笑眯眯，细路执到当银牌。

点虫虫

点虫虫，虫虫飞，飞到荔枝基，荔枝熟，摘满屋，屋满红，伴住个细蚊公。

打开蚊帐

打开蚊帐，打开蚊帐，有只蚊，有只蚊，快啲摞把扇嚟，快啲摞把扇嚟，泼走佢，泼走佢，打开蚊帐，打开蚊帐，只有猫，只有猫，快啲摞支竹嚟，快啲摞支竹嚟，吓走佢，吓走佢。

大笨象，揸支枪

大笨象，揸支枪，去打仗，打完仗，返嚟食碗辣椒酱，隔篱屋企烧炮仗，问你响唔响，唔响升你两巴掌。

排排坐，食粉果

排排坐，食粉果，猪拉柴，狗烧火，猫儿担凳姑婆生，坐烂个屎窟唔好赖我，赖翻隔篱个二叔婆。

鸡公仔，尾弯弯

鸡公仔尾弯弯，做人呢点可以怕艰难，清早起床返学去，执齐啲书本啊上学堂，一分耕耘自有一分收获，懒惰去做人呀，又点会有所成啊；

鸡公仔尾弯弯，做人呢当然要有精神，清早起床有好习惯，经常都温书啊要学勤，一分耕耘自有一分收获，懒惰去做人呀，又点会有所成啊。

猜呈寻

呈寻剪，呈寻包，呈寻糯米叉烧包，老鼠唔食炸药包，执到粮票买面包。

月光光，照地堂

月光光，照地堂，虾仔你乖乖训落床，听朝阿妈要赶插秧咯，阿爷睇牛佢上山冈，虾仔你快高长大，帮乎阿爷去睇牛羊；

月光光，照地堂，虾仔你乖乖训落床，听朝阿爸要捕鱼虾，阿嫲织网要织到天光，虾仔你快高长大，划艇撒网就更在行；

月光光，照地堂，年卅晚，摘槟榔，五谷丰登堆满仓，老老嫩嫩喜洋洋啊，虾仔你快啲眯埋眼，一觉训到大天光啊。

伏匿匿

一就预备，二就匿埋，三就开盘，四就嚟到，砰到算数。

三更灯火五更鸡

三更灯火五更鸡，正是男儿用功时。少年不知勤学早，老来方恨读书迟。

猪婆婆

猪婆婆，卖菠萝，卖畀地主做老婆，地主唔要佢，一觉将佢踢落河，执翻上嚟晕酡酡。

又喊又笑

又喊又笑，乌蝇打醮，蠄蟧濑尿，老鼠行桥，行到西门口，畀人打啰柚。

木棉花

木棉花，真好嘢，执一串，摞回家，要煲祛湿茶，唔使问阿妈。

落雨大，水浸街

落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排，排排都有十二粒，粒粒圆亮冇瑕疵。

饮凉茶

热气唔使心怕怕，广东凉茶有揸拿，伤风感冒都搞掂，文化遗产一枝花。

鸡公榄

鸡公福，鸡公榄好味，食到眼眨眨，帮衬唔使行落楼，要买一抛到天棚。

上下九

行街上九到下九，观光唔使四围走，广州风情一网尽，满洲窗前食石榴。

摘荔枝

冇米又叫糯米糍，细核先系靓荔枝，七八骄阳顶头晒，包摘荔枝正当时。

卖凉粉

爽滑有益凉粉糕，何姐挑担两边遨，穿街过巷大声嗌，要买趁手慢手冇。

过中秋

月亮光光照广州，斗整灯笼过中秋，阿爸随手扎花灯，啊嫲拜月稳碌柚。

睇龙船

龙舟舟，珠江游，两岸观赛撞崩头，齐撑扒仔抢出位，不夺头名不罢休。

睇花灯

正月十五最开心，天光就望天快暗，前台追着大花脸，后台争睇走马灯。

爆米花

早禾米，毕几升，爆米机前企定定，排队等候肥仔米，一声巨响伴笑声。

上茶楼

一盅两件话当年，而今觉得唔够坚，朝宴打的去南国，急呼伙计上河鲜。

舞狮子

得得得懂撑撑撑，欢天喜地闹年头，铺头开门笑迎客，采青狮子舞一番。

————————————————————————————————

你还知道哪些经典的粤语童谣？

欢迎留言哦！

,