摩尔庄园哪里能和朋友一起玩（摩尔庄园有咩咁吸引）

相信各位微博十级冲浪选手

应该都有发现，

近期随便点开微博热搜，

就会见到劲多关于

“摩尔庄园”嘅话题出现：

不嬲紧贴热点嘅COLOR，

就梗係即时上手 ，

睇下到底有咩咁好玩！

本身谂住係玩game轻松下，

结果我哋玩玩下就发现，

喺呢度一样要做“打工人”！！

话说《摩尔庄园》

呢个08年横空出世嘅游戏，

对于唔少80、90后嚟讲，

真係时代嘅眼泪。

呢款主打悠闲娱乐嘅页游，

当年大家主要就係靠打工、

玩小游戏嚟赚取摩尔豆。

估唔到时隔13年，

以手游形式再度回归

嘅《摩尔庄园》既然变成

新嘅“打工热门地”？！

由新手入门开始，

就已经有一堆任务

等住你去完成，

耗时仲要劲长！

所以唔少网友都话：

“好似搵咗份新工嚟做咯！”

捱过新人任务之后，

每日都仲有各式各样嘅

功夫等住你去完成，

想话hea下做少啲？

咁你就有排都升唔到级啦！

当然啦，

当代打工人最叻係咩？

咁就梗係苦中作乐啦！

喺“摩尔庄园”打工还打工，

做到攰了，

搵啲嘢happy係常识吧~

（咪时点捱啊！？）

所以话咁快，

微博热搜上，

画风就由打工人

变成集体狂欢！

翻工翻到攰，

最啱就係冲翻个靓凉～

于是乎

各类澡堂应运而生！

有啲澡堂主人

仲会提供搓澡服务，

简直就係五星级享受啦！

澡堂一出，

各位打工人都超捧场，

个个都争住嚟试，

搞到周围都排晒长龙！

不过大家冲凉还冲凉，

记得要多个心眼，

事关喺呢度

都一样会有变态出没！

讲到防备呢家嘢，

除咗泡澡要防，

农场都一样要肉紧啲，

事关你只要冇及时收割，

人哋就可以去偷菜噶啦！

辛辛苦苦种菜，

咁就畀人偷咗

大家梗係唔忿气啦，

有啲网友直头喺自己农场

打造一个防偷菜专用迷宫，

入到嚟算你好嘢！

除咗前面提到嘅澡堂，

喺摩尔庄园入面，

一众玩家仲打造咗唔少

超叹嘅休憩私窦：

网吧

戏院

自修室

露天泳池

你谂到、谂唔到嘅设施，

喺呢度都有机会搵到！

唞够之后想搵地方喐动下？

咁去蹦迪就啱晒啦！

话说“摩尔庄园”今次

仲联手“新裤子乐队”，

喺线上连搞几次音乐会！

自己去嗨又得，

同班friend一齐去嗨都得，

只要你唔怕辛苦，

嗨足全晚都冇有怕！

活动多箩箩，

糅合打工同娱乐，

怪唔知一班网友肯日日

都畀“梅森”点佢哋做嘢啦！

你哋今日喺“摩尔庄园”开工未？

除咗“摩尔庄园”之外，

手游界都仲有唔少

啱晒近期因为疫情

焗住留喺屋企嘅你，

继续打工生涯嘅游戏！

好似呢款《悠长假期》，

作为一款模拟经营类嘅游戏，

佢喺用户参与感方面都做得唔错。

种菜过程囊括开垦、

播种等成套流程，

睇落真係好似自己

亲手完成一次耕种咁。

玩家仲可以随时

跳入海随意畅泳，

度假feel拉满！

见闷你仲可以去

捉昆虫、捕蟹、钓鱼，

真係有种置身海岛

开启悠长假期嘅感觉~

打工都分好多种，

下面呢款就最啱懒人去做！

呢款《王蓝莓的幸福生活》

画风劲复古，

配合家居嘅装修，

整体年代感超强！

喺呢度手指随便喐下，

就可以打理晒成头家，

啲金币话咁快就攞到手，

简直就係笋工啦~

除咗家务之外，

你仲可以去同王妈妈打下牙铰，

对话以选择题模式进行，

答案一个正经，一个搞鬼。

明知拣驳嘴嘅选项

就会畀阿妈抦，

但唔少人就係忍唔到手，

越驳嘴越刺激！

近排疫情大家少咗机会出门，

呢类情景式手游可以

帮大家实现好多娱乐愿望噶！

唔知家下嘅你

又喺边款game度打紧工呢？

资料来源：微博、摩尔庄园官网

悠长假期官网

互联网综合整理

编辑：彭琳

*文中图片版权归原作者所有，如有问题，请与原作者联系

扫描下方二维码

进入可乐生活小店

▼

海鲜包送到屋企

你都可以做厨神

▼

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

,